كلمات اغاني الاستاذ محمد وردي

 

من غير ميعاد محمد وردي

من غير ميعاد
واللقيا أجمل في الحقيقة بلا اتظار
صحّيتي في نفسي الوجود
ورجّعتي لعيوني النهار
كل الطيوب الحلوة يا مولاتي والجيد الرقيق
واللفتة والخصل اللي نامت فوق تسابيح الغريق
وخطاك والهدب المكحل وفتنة التوب الأنيق
في لحظة مرت كالظلال تعبر رؤاي إحساس عميق
فتحتي جرح الليل عسى من صمتي ما قادر أطيق
صحّيتي في نفسي الوجود
ورجّعتي لعيوني النهار
لو مرة بعدك يا زمان الغربة تجمعنا الصدف
أنا كيف اعود من طيبة أول نظرة للدار منكسف
وا ضيعة الوتر اللي ما غنيت معاهو ولا عزف
من صدفة عابرة بلا سلام قلبي الغريق في الهم نزف
ياريتني ما شفتك ربيع ولا كان يلازمني الأسف
صحّيتي في نفسي الوجود
ورجّعتي لعيوني النهار
ضاع الكلام ماتت حروف اللقيا قبال اهمسا
والله ما غابت محاسنك لحظة لا الجرح اتنسى
للّيلة ما وشوش نسيم في روضو وما غرد مسا
للّيلة ما سافر عبير في الطيب يغازل نرجسة
للّيلة يا حبي الكبير في حرقة لافيني الأسى
صحّيتي في نفسي الوجود
ورجّعتي لعيوني النهار

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

احبك احبك محمد وردي


حلى فصول العمر حنانك
حتة لقيتَ مكانك اجمل
أجمل سكة مشيتَ عيونك
أحبك أحبك أنا مجنونك
ساكن فيني هواك وبريدك
جوا القلب النبض يصونك

معاك معاني حياتي تبدا
وافتح باباً ياما انسدَّ
أشوف العالم ربوة جميلة
عليها نسيم الصبح مخدّة
وبيني وبين النهر عشانك
عشرة بتبدا
وبين عينية وخد الوردة
تبقى مودة
أصالح روحي
تبرا جروحي
ابشر باسمك اهلل أغني
أقيف اتحدى

أديتيني مشاعر حية
عوضتيني الزمن الماضي
زمن الجرح الأكبر مني
وقاسي علية
وبيك صادفني ولقى عنواني
رزاز الفرح الخلَّى الجية
أريت صادفني حنانك بدري
لو لاقيتك بدري شوية

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

الوصيه محمد وردي

الوصيه
حلفتك يا قلبي حلفتك بري
خليهو الغرام
يتنكر لحبك
وريهو الخصام
ليه تتهان يا غالي
ليه والذل حرام
إتعذب لوحدك
ليل والناس نيام
إن جاك يوم يصالحك
قول ليهو الكلام
أو آيات حنينة
بترد السلام
أوع يا قلبي تنسى في لحظة الوصية
أنا عرفك حنين بتشمت علية
أوع يا قلبي تنسى
أوع يا قلبي
حلفتك يا قلبي
الخانك تخونو
والفيت غرامك
أوع في يوم تصونو
وزي ما أبكى عيني
سهر لي عيونو
أوع تقوللي تاني
ما بنعيش بدونو
أريت الحب لقينا
غير همّو وشجونو
أوع يا قلبي تنسى
أوع يا قلبي
حلفتك يا قلبي حملتك أمانة
الفاتك عهود ما تبكي عشانة
حلفتك تقول لي إيه آخرة بكانة
الدنيا الجميلة
والحزن الحلال
الطير في غصونو
الساجعة في حنانا
كل الناس تغني
ليه نحن الهم طوانا
ليه ..ليه
يا قلبي ليه
قول لي بأمانة
أوع يا قلبي تنسى
أوع يا قلبي

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

حرمت الحب والريده محمد وردي

حرمت الحب والريده
الطاهر ابراهيم
قست الدنيا علية
وجافى النوم عينية
مع هجرانك لية
حالفة تغدري بية
ليه صديتي يا ظالمة
واتناسيتي يا حالمة
يا زهر حياتي ربيعي
روحي في هواكم هايمة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
فكري الحيرتيهو
وعقلي الودرتيهو
صوني وعدك ليهو
أوعك تخلفي بيهو
حرمت الحب والريدة
برضي ما أرضيت
صعبان علي وحياتك
ياريت لو ماحبيت
خليتيني في حيرة
وما راعيتي الجيرة
والله أنا جارك وانتي
يا جارة بهواكي رغم الغيرة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
ليه صديتي يا ظالمة
واتناسيتي يا حالمة
يا زهر حياتي ربيعي
روحي في هواكم هايمة
حرمت الحب والريدة
برضي ما أرضيت
صعبان علي وحياتك
ياريت لو ماحبيت
الحب والريدة
رمز الحب والريدة
أنا برضي ما أرضيت
صعبان علي وحياتك
ياريت لو ماحبيت

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

اخادع نفسي بي حبك وامنيها محمد وردي

اخادع نفسى بى حبك
أخادع نفسي بي حبك وامنيها
واهرب حتى من ذكراك
الاقيها
دموع الحسرة في عينية اخفيها
نار الشوق اقول الصبر يطفيها
اقول انساك وانسى شقاي لو قادر
وطول الغربة والحرمان بلا آخر
اسيبك كيف وانت الناهي والآمر
وكيف اصبر وعارف نفسي ما صابر
شبابي معاك ما أضيع امانيه
وعمر هواك ما أقصر لياليه
رضيت بي ظلمو أحياه أقاسيه
ولو خلاني ما بقدر اخليه
تخاصم وتفتكر إحساسي اتبدل
وقايل قلبي مال لي سواك واتحول
وحاة ريدتنا وحياة الهوى الأول
بنرجع تاني لو زاد الجفا وطول

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

اسعد الايام محمد وردي

أسعد الأيام
مر بي في عام
شفت فيه حبيب كالربيع بسام

أسعد الأيام أشرقت شمسو
بالسعادة وراق وابتسم صبحو
تلهم الإنسان حسنو في نفسو
قلنا فيه كلام
كل حب وغرام
تلاقي فيه نصيب والفراق اقسام

شفت فيه حبيب مالو لو جاني
وفي سكون الليل طيفو ناجاني
أو عذاب قيثار حبو أشجاني
يهدي لي أنغام
تسمو بالأحلام
تلهب الفنان روعة الإلهام

الجمال في سحر الوجود ضافي
والعلي معلوم ليس بالخافي
وانت سر حبي وبلسمي الشافي
المودة مُدام
والتجافي حرام
في جفا الأحباب لذة الآلام

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

يا ناسينا محمد وردي

حبيبي الدنيا دي الفراقة
والله الدنيا دي الفراقة
المشتاق مع المشتاقة
يا الله تاني وين نتلاقى
يا ناسينا يا مجافينا حن علينا

حبيب مشتاق اشوف عينيك
وشعرك موج على خديك
هناي في بسمتك ..في وقفتك.. في مشيك
بالغالي العزيز أفديك
يا ناسينا يا مجافينا حن علينا

عارف قلبو ما بنساني
عزاي في الدنيا بس يطراني
تجي للعذول الجاني
فرق بينا ليه يا زماني
يا ناسينا يا مجافينا حن علينا

كل ما أميل أجد ذكراه
بين الروض عرفت شذاه
في دنيا الغرام أهواه
كن نسايني ما بنساه
يا ناسينا يا مجافينا حن علينا

الجو قلبي احتلاه
صبحي مساي دوام اطراه
فارق دربي ما هماه
يا الله تاني وين القاه
يا ناسينا يا مجافينا حن علينا

بفرش ليك قلبي وسادة
وازقيك من غرامي سعادة
لو عاد الحنين يالسادة
أقضي عمري فيك عبادة
يا ناسينا يا مجافينا حن علين

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

الحنينه السكره محمد وردي

نورت و في الحفلة جات
يلا غنن يا بنات
للفرح للامسيات
السعادة الليلة جات
الحلاة الما بنقدرة
الحنينة السكرة
سمحة والله و مقدرة
جينا ليها نذكرا
السهرة لازم تحضرا
بشبابا تنورا

رسلت من بعيد
نظرة لي فنان بيريد
الفرح ما رد ايد
ابقه كيف على قلبي سيد
والليالي مدورة

الليلة كم تم المنا
وجب الحلوة الهنا
رقصة واحدة تلمنا
واخطف الشبان انا
وبالسعدة ابشرا

فايته يعني خلاص كدة
ريدنا يعني ياداب ما بدا
الزهور شالت ندى
والعيون تعبت ندا
انت فينا مخيرا

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

حظك جميل محمد وردي

حظك جميل دائما تسافري
بلا تصاريح للسفر
و تعودي عبر المستحيل
نديانه زي صدف البحر

يا نسمة لا تتأخري
عذبنى طول الانتظار
قبال تجي رشي المحنه بكل دار
كل البيسأل طمني
و انا في البعيد مشتاق لهمسه
من الوطن يا نسمة

ارتاحي فوق الأمسيات
تلقي الحبايب لسه في
اريتني لما الليل يضيع
في المجلس الدافئ الوفي
سارح اغني الذكريات

يا نسمة يا جاية من الوطن
بتقولي لى ايام زمان ما برجعن
باكر برجعني الشجن و اتهني بيك
طول الزمن يا نسمة

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

الحبيب قلبو طيب محمد وردي

لحبيب قلبو طيب
العواذل بدلوه
يا حبايب اسألوه
لو تناساني وتبدل
بغرامي ذكروه
&&&
اسألوه ليه نساني
حتى من كلمة ملام
ليه يخاصمني بعيونو
كلموني بالغرام
خبروه باشتياقي
لو يحن ينسى الخصام
بعيونو حلفوه
لم يحلف صدقوه
انا عارف قلبو طيب
العوازل ضللوه
&&&
اسألوه ليه يخاصم
والسعادة بين ايديه
ذكروه بالليالي
الاولى ايام التقيته
كلموه قولو ليه
في غيابو كم شقيت
بحياتو حلفوه
لم يحلف صدقوه
انا عارف قلبو طيب
العوازل بدلوه

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

باطير يا طاير محمد وردي

ا طير يا طاير من بعيد فوق الغمام
من ربوعي أحمل الشوق يا حمام

انشالله تمشي وتشمي يا طير لي تعود
لي حبيبي تحمل الحب والورود
احكي عني وقلو يا طير هل يعود
من فؤادي ليهو ليك ألفين سلام

يا طير يا طير خوفي بس تنسى الكلام
يوم تشوفو هالّي زي بدر التمام
في جبينو نور يشع يضوي الظلام
في عيونو يرقد الشوق والغرام
حِبِّي عارف إنو في صمتك كلام

ياطير يا طاير لي حبيب زي اليمام
هادي طبعو زي صغير قبل الفطام
ديمة ضاحك ثغره يعلوه ابتسام
من فؤادي ليهو ليك ألفين سلام

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

من طواقي الجبهه محمد وردي

من طواقي الجبهة من دقن الترابي
من اباريق تدلق الدم في المواعين والكبابي
من حقوقنا ايتامنا من سبحة مرابي
من صدى اهات سنابل دابها في حوضا بتشابي
من قنابل نازفة في حلق الطوابي
بالقرار الأربعيني رخيص ونابي
جيتنا في اول بيان للعزة والحرية مابي
يا البشير بالشر معمد انقلابي

صوتك المسلوب مطرّق بالاراجيف والخيانة
صوتك المغضوب معلق فوق مصابيح الحزانى
وحبلك المفتول مصنّع من دقون تحت الديانة
جيتنا في تهريج برامج هشة مهدود حيل كيانا
من كتاب عرابي يتاجر بالديانة

والعصابة كلابا تنبح والقوافل ما بتهابا
ماشه وماشه وفي طريها دبمه للوعى ارتهانا
مهما حبلك زاد متانة
مهما مشنقتك تدلت ما حترفعك مكانه
انت ماذاكرت ماضي زمن رفاقتك في الخيانة
يوم هبوب الريح على زمن المهانة
دكت الحصن المحصّن بالزنازين والعيون
بالمكايد والظنون
بالطموحات المهابي

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

اقابلك محمد وردي

اقابلك في زمن ماشي
وزمن جاي و زمن لسه
اشوف الماضي فيك باكر
اريت باكر يكون هسه

***

و قصر طول مشاويرنا
ورقش بالفرح جلسة
على النيل والقمر
مرات يبين في الموج ويدسه
ونحن نقابلو
زي طفلين كلامم كلو بالهمسة
وزي عصفورة قلبها دابو
حنة وبالولف حسّ

***

اي عيون بتتقبل
الا عنيك ما بتتفات
في عنيك بتوه
كيفن حلاوة البسمة في القاسيات
وعطر الصندل المستني
يفرح بيك فرحتو جات
وحاتك خلي منو شوية
عشان يتكاحلن منو السمحات

***

بلاك النجمة لا بتتعلا
لا بتتدلاّ فوقه هلال
عليك الريده طلي علينا
يالختينا فيك آمال
تجينا فرح ترفرفي فوقنا
نستناك بالموال
والشوق بيني وبينك انتي
زي ما تقول مطر اهطال

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

نختلف او نتفق محمد وردي

نختلف او نتفق تقنعيني و أقنعك
نختصم او نصطلح تسمعيني و اسمعك
المهم انو الحوار يستمر ما ينقطع
المهم انو الحدار ما يعلو اكتر ويرتفع
المهم تبقه المودة في التصافي و في الزعل
المهم انو الولف ما يبقه وحلان في الملل
الحياة زيارة و فوات والعمر اطلالة واحدة
تفضل اجمل ذكريات المواسم الحلوة شاهدة
نحرس الامل الموات والظروف الما ساعدة
ولا نتحدى السكات بي اغاني جديدة واعدة
نختلف او نتفق الامل في الانتظار
نختصم او نصطلح نخلط الجد بالهظار
الحياة العادية اجمل من خيال او مستحيل
الزمان الفيها عادل موسم المر و الجميل
وقت للشوق و المحبة و وقت للصبر الطويل
و وقت للفرح المعربد و وقت للحزن النبيل
نختلف او نتفق كلمة منك و كلمة مني
نختصم او نصطلح بي حنانك و حسن ظني
ومرة نتوتر سوى لحظة و المنطق يغيب
وفجأة يبقى نفسنا حر و الكلمة بودي وتجيب
وما نبرّد لي بعض و مرهقين و اليوم عصيب
ما نحن في الآخر بشر و البشر يخطى و يصيب
نتفق او نختلف بفهميني و افهمك
نختصم او نصطلح تكتبيني و أرسمك

[عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا] [عزيزي الزائر يتوجب عليك التسجيل للمشاهدة الرابطللتسجيل اضغط هنا]

 

ما بنساك محمد وردي

لو بالصد أبيتيني
لو بالنار صليتيني
انا لا مابنسك
***
لو حاولت نهجرني
اوتنسني من تاني
ترجع يوم تجد حبك
بدد شكي و احزاني
بدل همي في الدنيا
واعاد بالفرحة احزاني
***
لو تعرفني اني امير
انا ريدك براعيه
قلبي الراجي ليك سنين
ماممكن تجازيه
كان راجيك و بيتألم
وكيف كنت ناسيه
***
لو بس شفت آهاتو
ما كنت يوم بتتبسم
لو تابعت دقاتو
ومابتقدر براك تحلم
كنت رجعت صافيتو
ونسيتو الدموع و الهم
***
مهما جرت صديتني
بدون اسباب وبكيتني
على درب الهوى و الشوق
براي يا ناس خليتني
اداري دموعي من الناس
اقول ياريتني ياريتني
نعود من تاني نتلاقى
و آه لو مرة صافيتني